Ek Bholi Bhaali Gaon Ki Rani Lyrics

Ek bholi bhaali gaon ki rani
Jiski kahai aayo sunaye suno
Ek bholi bhaali gaon ki rani
Jiski kahai aayo sunaye suno

Pake dhaan ka khet khada
Balakha kha ke laharaaye
Odh chunariya hariyaali ki
Dharati hai muskaaye
Waha bani ek sundar kutiya
Mahalon ko sharmaaye
Usmein rahati ek matwaali
Sundar rani jiski kahai
Aayo sunaye suno

Kutiya hi sab kuchh hai usaki
Kutiya hi sab kuchh hai wo
Aate jaate raahi paate
Aage badhane ki himmat ko
gaon ki rani piya ke path mein
Baithi bichhaaye aankhon ko
Saanjh dip ne mila diye
Aur dekh raha is madhur milan ko
Aisi gaon ki rani jiski kahai
Aayo sunaye suno

Nind pari ke jaadu ne jab
Luta diye sapane anamol
Lagi lutane saari duniya
Apani man masti mein dol
Par haay vidhaata rup badal kar
Gaon ke aangan aayi
Bholi bhaali mukhada dekh
Apane aap se voh sharamaayi
Jo kuchh karana tha karana
Aur chilla uthi jaag ke duniya
Kaal par gaya kaal
Kaal par gaya kaal

Daakan jogan aayi pishaachan
Chhaayi ghataayein kaali kaali re
Maut ke saaz pe pralay raagini
Baaj rahi matwaali re
Mila kaaq mein gaon salona
Gam ne manaayi diwaali re
Shaanti gayi sukh chain gaya
Sone se bhara sa wo khet gaya
Daakan jogan aayi pishaachan
Chhaayi ghataayein kaali kaali re

Kaha gayi wo saanjh suhaani
Kaha paxion ka gaana
Kaha gaya wo madhur milan
Aur kaha kushi se bhara zamana
Kyun uge ho ab chaand salone
Kya lene ab aaye sitaare
Chale gaye wo chhod ke duniya
Jinko the tum bade hi pyaare
Har gaon ki tuti deeware
Kahati hain aaj kahai
Meri god mein bani samaadhi
Kitani kutiya kitani rani.