Hawa Mubarak Lyrics

Tarakkee kar rahe deshon mein roj chalatee hai kulhaadiyaan
Katate ped kee chhaatee se nikalata agar khoon to
unake katane par duhkh karana aasaan hota
Par khoon ke alaava kahaan hai hamaare paas maapadand?
Chot ka andaaja lagaane ke lie.

Hamane pahan lie hain bina nambar vaale gol chashmen
Jinakee golaee jitana hamaaree udaarata ka ghera
Aur brahmaand ke vajan aur aakaar jitana hamaara svaarth
Ek roj jangalon ke katate jhoond se
Ek bachcha kisee tarah tarakkee kee
Chal rahee kulhaadee kee najaron se bach gaya
Vo chupachaap sulagata bada hota raha
Lagaataar is dar ke saath kee jaldee usake badhate kandhe,
Chaudee hotee chhaatee kisee kee
Aankh mein choobhana shuroo ho jaenge
Usane suna hai logon ko baat karate ki
Aadhunik bhaarat ke logon ke lie chalaee ja rahee hai metro.
Jisakee saphaee-dhulaee ke lie lagegee jagah
Use yakeen hai ki ye kaam usake
Kabr ke alaava kaheen nahin ho sakata

Vo chupachaap udaas baitha ginata hai din
Sochata hai din bhar ki katakar marana achchha ki ghutakar
Kyonki usake kandhe aur kohaneeyaan
Jisapar baithate hain roj panchhee
Usake paanv jinamen roj kompale aur
Pattiyaan dekhatee hai apanee pahalee dhoop
Paat die jaenge kankreet ke saath vaise bhee
Pakkee sadak hee to hai hamaaree vikaas ka raasta
Sadak jisape daudate gola baarood se bhare
Taink khade ho jaate hain padosee mulkon ke taraph
Mujhape daudatee hain gaadiyaan
Kisaan se lekar 2 rupe mein pyaaj bechane shahar mein 20 ka
Jisamen daudatee hain netaon ke buletaprooph gaadiyaan
Jinake andar na to bulet ja sakatee hai na hee
Rassee se latakate kisaan ke munh se nikalee aakharee karaah
Vikaas jarooree hai
Vikaas jarooree hai par kis keemat par
Hamen isase koee vaasta nahin hai
Kyonki badhate taapamaan se bachane ke lie hamane bana lie hain ach
Badhatee thand se bachane ke lie
Hamane bana lee hai rajaeeyaan
Hamaare lie duniya, desh,
Prthvee hamaare ghar ke log aur bachche hain
Ye jab so jaate hain raat ko rajaee odh ke,
Hamen lagata hai har koee so raha hai chain kee neend.

Laalach phailatee ja rahee hai mahaamaaree kee tarah
Par hamen yakeen hai ki dharatee ka ant kisee ulka pind se hoga
Hamane nibha lie hain saaree jimmedaariyaan
Mita die saare rog, ladaee, jhagade
Bas kamaane hai bahut saare paise
Aur kuch kar jaana ek saath mangal grah kee or
Kahate hain oonchaee se gir rahe aadamee kee maut
Jameen par pahunchane se pahale hee ho jaatee hai

Ham sabako apanee-apanee hava mubaarak
Aur hava mein tair rahee apanee-apanee laashen.