Aaj Ki Kali Ghata

Pyas ke naam se ji darta hai
Is ilzam se ji darta hai
Shauk e badnaam se ji darta hai
Mithi nazaro mein samaya hai koi
Kyu samaya hai mujhe kya malum
Aaj ki kali ghata mast matwali ghata
Mujhse kehti hai ki pyasa hai koi
Kaun pyasa hai mujhe kya malum

Pyasi aankhon mein mohabbat leke
Ladkhada jaane ki dawat leke
Mujhse bewajah shikayat leke
Dil ki dehliz tak aaya hai koi
Kaun pyasa hai mujhe kya malum

Kuch maza aane laga jine mein
Jaag utha dard koi sine mein
Mere ehsas ke aayine mein
Ik saya nazar aata hai koi
Kiska saya hai mujhe kya malum
Aaj ki kali ghata mast matwali ghata
Mujhse kehti hai ki pyasa hai koi
Kaun pyasa hai mujhe kya malum

Zindagi pehle na thi itni haseen
Aur agar thi to mujhe yaad nahi
Yahi afsana na ban jaaye kahi
Kuch nigaho se sunata hai koi
Kya sunata hai mujhe kya malum
Aaj ki kali ghata mast matwali ghata
Mujhse kehti hai ki pyasa hai koi
Kaun pyasa hai mujhe kya malum.